U mari è ranni e beddu
e a mia servi pri luvarimi i pinsera ro cirvieddu.

Sugni svuotatu e ammincialutu
e nun riniesciu mancu a ciccari aiutu.

L’unicu pinseru ca m’arristau ‘nti lu Cori
sì tu, veru e grandi miu Amuri.

Taliu u paesaggiu incantatu
ca mi suggerisci ri nun esseri esageratu.

Bisogna sapiri Amari e aspittari
pinsannu ca tu, tuttu possa cangiari
già ri dumani.

A voti bisogna campari na l’illusioni
pi nun carriri na disperazioni.

Ma sugnu sempri nu spiritu razionali
e sacciu ca mi manni a falla no rinali.

Stu pensieru nasci accussi senza farici casu,
speru ca ta liegghi, ti piaci e nun stuocci u nasu.