Nu poeta ca po so valuri è sempri esistenti
macari ca pi mia vali picca e macari nenti
scrissi pi tia na bedda poesia.

Iu vuogghiu macari cantari u mo amuri
picchi tu si pi mia u ciù beddu sciuri.

U to sciaru è sublimi e delicatu
e renni profumatu tuttu u creatu.

U to resitenti stelu si pò piegari
ma macà se tu vuoi ‘nsi po spizzari.

Abiti nte zoni ‘mpervie e desolati
picchi vuoi rallegrari sti luoghi disperati
unni ‘nci mintinu pieri l’animi criati.

Sta addritta, dannu na lezioni ri vita a tutti i pissuna
macà se tu stà ne cozza e vadduna
e a sprigionari armonia e profumu
macà se tutti i to desideri sini vannu ‘nfumu.

L’amici già sannu u pinsieru ca no mo cirvieddu sta ‘nfunnu
ca vogghiu a to prisenza costanti quannu mi ni và nall’autru munnu.

Tu continuerai a to tradizioni
ca vieni ammirata ri picca ggenti, chiddi boni
ca nvuonu siri comu a massa esistenti
ma comu a tia mira o profunnu e no all’apparenti.