Elena Fiorentini
Curatore
Italy
5099 Inseriti
551 Gold
5196 Punti Rep. |
 Inserito - 30/12/2008 : 11:09:12
Fantasia meneghina
Mi, ier sira hò mangià pocch, perché gh'avevi in cà pù nient. L'è stàa che seri adrè andà a fàa la spesa, quand hòo ciappà on scapùsc, sont borlada giò come on salàmm, gh'avevi la vesta sperlusciada,seri tutta bordegàda, me faseva mal el coo e i brasc domà a moeùv la roba del super, la mia man la s'era infortunada e hòo ciappà el fergiù...etciù...allora hòo fàa cont quel pocch che avevi in càa 
El dì de Natal
Gh'avevi pocc de mangià
ma l'era roba fina,
el less
cont la mostarda,
el rostin negàa
cont el cotechin
l'era propi
on paciarin de rajà,
i verduritt al forno
cont i patati
e i sciguj lessà
eren propi ona bontàCont tutta
sta robba fina e soraffina
hòo terminà el disnà
cont on bel pomm
colorà, cott
al forno con la cannella,
i mandarin e i nàranz
madur e profumà
dal sol de la Cicilia. ...e che dì del panatton? quel propi el manca mai
l'è el princip di golos
la soddisfazion di offelé,
l'è bel gustall
cont on biccerin
de vinell frizzantin,
in compagnia di amis
del nòno, la nòna e la zia
che durant i fest
ne tegnen compagnia
el brachett d'Acqui,
ross che'l buscia
on moscadell
frizzantin, doulz e gentil
dell'oltrepò paves 
e intanta... cont on gran sospir...speri propi che l'ann che l' adré rivà, el
2009
el sia pussè bell de quest chi che l'è adreè ad andà via
Elena Fiorentini, 30 dicembre 2008
|
Home 
Elenco Autori 
Forum:Elenco Argomenti 
Eventi attuali e storici
Le prime pagine 
Link
tutti i Forum
Fantasia meneghina
Versione per la stampa
